အမျိုးသမီးများ ဗိုက်ပူခါးတုတ် ကိုယ်လုံးမျိုးတွေ ဖြစ်မသွားရလေအောင် - Reader Myanmar

Latest Posts

အမျိုးသမီးများ ဗိုက်ပူခါးတုတ် ကိုယ်လုံးမျိုးတွေ ဖြစ်မသွားရလေအောင်





မြန်မာအမျိုးသမီးတစ်ယောက်အတွက် မြန်မာဝတ်စုံဝတ်ဆင်ခြင်းဖြင့်ကျက်သရေရှိရှိလှတယ်ဆိုပေမယ့်
ဗိုက်ပူခါးတုတ်ကိုယ်လုံးမျိုးဆိုရင်နငယ်ရှိတ်ဖြစ်နေမှာအသေအချာ ပဲဖြစ်ပါတယ်။

ဒါကြောင့်ကြည့်ကောင်းတဲ့ကိုယ်လုံးမျိုးထိန်းသိမ်းထားနိုင်ဖို့နည်းလမ်းတစ်ချို့ဝေငှပါရစေ။

ကျမတို့ကသာမန်အိမ်ရှင်မ၊ကလေးအမေတွေမို့နာမည်ကျော်မော်ဒယ်တွေလိုနေ့စဉ်နေ့တိုင်း လေ့ကျင့်
ခန်းလုပ်ဖို့အချိန်မပေးနိုင်ပါဘူး။ ဒါ့အပြင် တနေ့တနေ့ဝင်ငွေထွက်ငွေချိန်ဆရင်း မြန်မာအစားအစာ ထမင်းဟင်းနဲ့ငါးပိကိုလည်း မစွန့်နိုင်သူတွေဖြစ်တဲ့အတွက် နိုင်ငံခြားက ကယ်လိုရီမပါတဲ့ပေါ့ရွှတ်ရွှတ် အစားအစာတွေကို ၃ ရက်ထက်ပိုမစားနိုင်တာလည်းအမှန်ပါ။ 

ဒါဆိုရင် ဘယ်လိုလုပ်ကြမလဲ။ ကျမရဲ့ကိုယ်တွေ့နည်းအတိုင်း သေသေချာချာလိုက်နာမယ်ဆိုရင်မြန်မာဝတ်စုံ ၀တ်တဲ့အခါတိုင်းအသက်ရှုကြပ်လှတဲ့ ဗိုက်ချပ်ဘောင်းဘီကိုဝတ်ဆင်ရခြင်း ဒုက္ခက ကင်းလွတ်နိုင်ဖို့အာမခံပါတယ်။ ကြည်ကြည်ပြောတဲ့နည်းအတိုင်းလိုက်နာမယ်လို့ ဆုံးဖြတ်တဲ့နေ့ကို ပြက္ခဒိန်မှာမှတ်ထားပါ။

လမ်းလျှောက်မယ့်ဖိနပ်တစ်ရန်နဲ့ပေါ့ပါးမယ့် ဘောင်းဘီရှည်တစ်ထည်တော့ဝယ်ထားပါ။ ပထမဆုံး မနက် ၅ နာရီထပြီး နာရီဝက်တိတိ လမ်းလျှောက်ပါ။ မှောင်လို့၊ ခွေးကြောက်လို့၊ ဟိုဟာဖြစ်လို့၊ဒီဟာဖြစ်လို့ဆင်ခြေတွေကို မေ့ထားဖို့တော့လိုပါတယ်။လမ်းလျှောက်စဉ်မှာ အသက်ကိုများများရှုသွင်းရှုထုတ်လုပ်ပါ။

ခါးကိုတည့်တည့်ထားပြီး ရင်ဘက်ဖွင့်ပြီး လမ်းလျှောက်တတ်တဲ့ပုံစံကိုလေ့ကျင့်ပါ။ အဲဒီနေ့ကစပြီး ထမင်းကို လျော့စားဖို့တော့ လိုပါတယ်။ ဗိုက်တင်းအောင်စားပြီး ရေသောက်တဲ့ အကျင့်ကိုစွန့်ပစ်ပါ။

ရေကို ထမင်းမစားခင်သောက်ပါ။ ဗိုက်မတင်းခင် အစာစားတာရပ်လိုက်ပါ။ ၅ နာရီနောက်ပိုင်း ထမင်းမစားပါနဲ့တော့။ ခေါက်ဆွဲပြုတ်၊ သစ်သီး၊ ခရက်ကာ ဘီစကစ်ကို အစားထိုးပါ။ လှချင်တာထက် ငါအဆီတွေကျဖို့တော့ လိုတယ်လို့အမြဲနှလုံးသွင်းထားပါ။ လက်ရှိအဆီတွေကို လမ်းလျှောက်ခြင်းဖြင့်
ချေဖျက် နေချိန်မှာ နောက်ထပ်အဆီတွေ ထပ်သွင်းခြင်း ထိန်းချုပ်မယ်ဆိုရင် တဖြည်းဖြည်းနဲ့လိုချင်တဲ့ အနေအထားကို တနေ့ရောက်လာမှာပဲဖြစ်ပါတယ်။

စိတ်ဖိစီးမှုတွေက ဟောမုန်းတွေရဲ့လုပ်ဆောင်ချက်တွေကို ဖရိုဖရဲဖြစ်စေတာမို့ လမ်းလျှောက်စဉ် အသက်ရှုခြင်း၊ ထိုင်နေစဉ် ခါးကိုတည့်တည့်မတ်မတ်ထားခြင်း၊ လှေကားအတက်အဆင်းမှာ ခါးမကုန်းအောင် သတိထားခြင်းများဖြင့် စိတ်ကို အမြဲသတိရှိအောင်နေပါ။

ရေများများသောက်ပါ။ ကော်ဖီမစ်အစား သဘာဝ ကော်ဖီကိုအစားထိုးသောက်ပါ။ သကြားလျော့စားပါ။ မနက်လမ်းလျှောက် တာကိုပျက်မယ်ဆိုရင် ပြကခဒိန်မှာ မှတ်ထားတာကို သတိရပါ။ ဒီလိုပဲ တရက်တရက် ပျက်လာတာတွေက ငါ့ကိုဒီအခြေအနေပို့ဆောင်နေပါလားလို့ သတိထားလိုက်ပါ။ ခရီးသွားတဲ့အချိန်တွေမှာ အစားအသောက်ကို အထူးသတိထားပြီးထိန်းသိမ်းပါ။ စားလို့ကောင်းလိုက်တာလို့ အားရပါးရစားပြီး တုံးကနဲ ပစ်လှဲအိပ်နေတာမျိုးတွေရှောင်ကြည်ပါ။ လိုက်နာရမှာတွေအများကြီးပဲ။ လုပ်နိုင်မှာမဟုတ်ပါဘူးလို့အခုကတည်းကတွေးမနေပါနဲ့။ စာနဲ့ရေးလို့သာများနေတာပါ။ နေ့စဉ်လုပ်နေကြ အလုပ်တွေပဲဖြစ်ပါတယ်။

ဗိုက်ချပ်ပလာစတာကပ်တာကို အားပေးပါတယ်။ အိုကေ-တံဆိပ်ပလာစတာကို အိပ်ယာဝင်တိုင်း ကပ်ပေးပါ။ ဘယ်နှစ်ပေါင်ရှိပြီး ဘယ်နှစ်ပေါင်ကျသွားပြီလို့ တိုင်းထွာမယ့်အစား မိမိအ၀တ်အစားနဲ့သာ တိုင်းတာစေချင်ပါတယ်။ ၃ လထိ ဆက်တိုက်လိုက်နာပြီးမှ ထမိန်းစကဒ်ဘယ်လောက်ချောင်လာပြီ၊ အကျီဘယ်လောက်ချောင်သွားပြီလို့သတိထားကြည့်ပါ။ 

နည်းနည်းချောင်လာတာကို သတိထားမိရင် နောက်ထပ်ဆက်လက်ထိန်းသိမ်းဖို့အရမ်းလွယ်ပါတယ်။ ကျမကတော့ တပတ်ကို ၂ ရက် Gym ကိုသွားပြီး တစ်နာရီကြာအောင် workout လုပ်ပါတယ်။ လှပြီး sexy ကျဖို့အရေးမကြီးတော့ပါဘူး။ 

ကျန်းမာပြီး ရောဂါမရှိဖို့ကြိုတင်ကာကွယ်မှုတော့ လိုအပ်ပါတယ်။ ဖြစ်မှဖြစ်ပါ့မလား
တွေးမနေပါနဲ့။ ကျမလည်းကလေး ၂ ယောက်အမေ။ အလုပ်များတဲ့ သာမန်အိမ်ရှင်မတစ်ယောက်ပါ။\

(အသက်၃၅ နှစ်အထက်များအတွက်)
Credit: Kyi Kyi - ကြည်​ကြည်​
Loading...