မိဘသေဘာမတူဘဲ လက္ထပ္ခဲ့သည့္ စုံတြဲကို ရြာသားမ်ားက အဝတ္ခၽြတ္ ႐ုိက္ႏွက္ (႐ုပ္သံ) - Reader Myanmar

Latest Posts

မိဘသေဘာမတူဘဲ လက္ထပ္ခဲ့သည့္ စုံတြဲကို ရြာသားမ်ားက အဝတ္ခၽြတ္ ႐ုိက္ႏွက္ (႐ုပ္သံ)




အျခားသူေတြသိရွိေစဖုိ႔နဲ႔ စံုတြဲကုိ သင္ခန္းစာေပးဖုိ႔အတြက္ အဝတ္ေတြခြ်တ္ ႐ုိက္ႏွက္ၿပီး ရြာရဲ႕အလယ္မွာ လမ္းေလွ်ာက္ခုိင္းခဲ့တာပါ။

အိႏိၵယႏုိင္ငံမွာ မ်ိဳးႏြယ္စု ရြာသား ၁၈ ဦးက မိဘေတြ သေဘာမတူဘဲ လက္ထပ္ခဲ့တဲ့ လူငယ္စံုတြဲတတြဲကုိ အဝတ္ေတြခၽြတ္ ႐ုိက္ႏွက္တဲ့ ႐ုပ္သံဗီြဒီယုိဖုိင္ ထြက္ေပၚလာခဲ့ပါတယ္။
ရာဂ်က္စတန္ျပည္နယ္ ဘန္ဆြာရာခ႐ိုင္မွာရွိတဲ့ ရွမ္ဘူပူရရြာမွာ ျဖစ္ခဲ့တာ ျဖစ္ၿပီး လူငယ္စံုတြဲက မိသားစုေတြ သေဘာတူညီမႈမပါဘဲ လက္ထပ္ခဲ့လို႔ မ်ဳိးႏြယ္စုရဲ႕ စီရင္ခ်က္အရ ခ်စ္သူစံုတြဲႏွစ္ဦးကို ဒီလုိလုပ္ဖုိ႔ ဆံုးျဖတ္ခဲ့တာလုိ႔ ဆုိပါတယ္။
ကခ်႐ူ၊ ၂၁ ႏွစ္နဲ႔ ေမာ္နီကာ၊ ၁၉ ႏွစ္တုိ႔ႏွစ္ဦးဟာ ႏွစ္ႏွစ္ၾကာ လွ်ိဳ႕ဝွက္ခ်စ္ႀကိဳက္တဲ့ ဆက္ဆံေရးရွိေနတာျဖစ္ၿပီး မိဘေတြ သေဘာမတူတာေၾကာင့္ ဂူဂ်ာရက္ကုိ ထြြက္ေျပးသြားခဲ့တာပါ။
ဒါေပမယ့္လည္း ေမာ္နီကာရဲ႕ မိဘေတြက ရြာလူႀကီးကုိ တုိင္ၾကားခဲ့တာေၾကာင့္ သူတုိ႔ ႏွစ္ဦးကို လုိက္လံရွာေဖြခဲ့ၿပီး ရြာကိုျပန္လာဖုိ႔ အမိန္႔ေပးခဲ့ၿပီးေနာက္ အခုလုိမ်ဳိး ျပစ္ဒဏ္စီရင္ခဲ့တာပါ။
ရွမ္ဘူပူရရြာမွာ အဓိက လူမ်ိဳးႏြယ္စုေတြ ေနထုိင္ၿပီး ရြာသားအမ်ားစုက ဘဟီးလ္ဆိုတဲ့ လူ႔အသုိင္းအဝုိင္းက ျဖစ္တယ္လို႔ ဆုိပါတယ္။
ေကာင္မေလးရဲ႕ မိဘေတြက ရြာနားနီးခ်င္းက အျခားေကာင္ေလး တစ္ေယာက္နဲ႔ လက္ထပ္ေပးဖုိ႔ ႐ူပီး ၇၅,၀၀၀ (ေပါင္ ၉၀၅) နဲ႔ ေရာင္းခ်ၿပီးျဖစ္ၿပီး ႐ူပီး ၅,၀၀၀ (ေပါင္ ၆၀) ကိုလည္း ႀကိဳတင္ယူၿပီးၿပီလုိ႔ သိရပါတယ္။
အျခားသူေတြသိရွိေစဖုိ႔နဲ႔ စံုတြဲကုိ သင္ခန္းစာေပးဖုိ႔အတြက္ အဝတ္ေတြခြ်တ္ ႐ုိက္ႏွက္ၿပီး ရြာရဲ႕အလယ္မွာ လမ္းေလွ်ာက္ခုိင္းခဲ့တာပါ။
ဒီထိတ္လန္႔စရာ အျဖစ္အပ်က္က ဧၿပီလ ၁၆ ရက္ေန႔မွာ ျဖစ္ပ်က္ခဲ့ၿပီး ၂ ရက္အၾကာမွာ ရဲေတြသိရွိခဲ့တယ္လုိ႔ ဆုိပါတယ္။
ကာလင္ဂ်ရာရဲစခန္းမွာ ရဲအရာရွိတစ္ဦးျဖစ္သူ ရာဗင္ဒါကူမာဆင္းက ေကာင္မေလးရဲ႕ မိဘေတြက ေကာင္မေလးကို အျခားသူတစ္ဦးနဲ႔ အတင္းအဓမၼ လက္ထပ္ခိုင္းေၾကာင္း ေျပာပါတယ္။
“က်ေနာ္တုိ႔ ဒီအမႈကို စံုစမ္းစစ္ေဆးေနပါတယ္။ ႐ုိက္ႏွက္တဲ့ ရြာသား ၁၈ ဦးကိုလည္း အခုဖမ္းထားပါတယ္။ အဲဒီလူေတြထဲမွာ စံုတြဲရဲ႕ မိသားစုဝင္ေတြနဲ႔ အျခားရြာသားေတြ ပန္ခ်ရက္အဖြဲ႔ဝင္ေတြလည္း ပါတယ္လုိ႔” ရဲအရာရွိက ျဖည့္ေျပာခဲ့ပါတယ္။
“ဒီဗီြဒီယုိကို ႐ုိက္ကူးၿပီး အင္တာနက္စာမ်က္ႏွာေပၚတင္ခဲ့တဲ့သူကိုလည္း ရွာေဖြစံုစမ္းေနတယ္” လို႔ ရဲက ေျပာပါတယ္။
႐ုိက္ႏွက္မႈေတြေၾကာင့္ စံုတြဲထဲမွ အမ်ိဳးသားျဖစ္သူ ကခ်ရူ အျပင္းအထန္ ဒဏ္ရာရခဲ့ၿပီး ေဒသေဆး႐ံုမွာ ေဆးကုသမႈခံယူေနတယ္လုိ႔ သိရပါတယ္။
ေမာ္နီကာကုိ ရဲ က အကာအကြယ္ေပးထားၿပီး လက္ရွိအခ်ိန္မွာ သူမကုိ အိႏိၵယက ေဂဟာတခုမွာ ထိန္းသိမ္းေစာင့္ေရွာက္ထားတယ္လုိ႔ သိရပါတယ္။
Unicode
အိန္ဒိယနိုင်ငံမှာ မျိုးနွယ်စု ရွာသား ၁၈ ဦးက မိဘတွေ သဘောမတူဘဲ လက်ထပ်ခဲ့တဲ့ လူငယ်စုံတွဲတတွဲကို အဝတ်တွေချွတ် ရိုက်နှက်တဲ့ ရုပ်သံဗွီဒီယိုဖိုင် ထွက်ပေါ်လာခဲ့ပါတယ်။
ရာဂျက်စတန်ပြည်နယ် ဘန်ဆွာရာခရိုင်မှာရှိတဲ့ ရှမ်ဘူပူရရွာမှာ ဖြစ်ခဲ့တာ ဖြစ်ပြီး လူငယ်စုံတွဲက မိသားစုတွေ သဘောတူညီမှုမပါဘဲ လက်ထပ်ခဲ့လို့ မျိုးနွယ်စုရဲ့ စီရင်ချက်အရ ချစ်သူစုံတွဲနှစ်ဦးကို ဒီလိုလုပ်ဖို့ ဆုံးဖြတ်ခဲ့တာလို့ ဆိုပါတယ်။
ကချရူ၊ ၂၁ နှစ်နဲ့ မော်နီကာ၊ ၁၉ နှစ်တို့နှစ်ဦးဟာ နှစ်နှစ်ကြာ လျှို့ဝှက်ချစ်ကြိုက်တဲ့ ဆက်ဆံရေးရှိနေတာဖြစ်ပြီး မိဘတွေ သဘောမတူတာကြောင့် ဂူဂျာရက်ကို ထွက်ပြေးသွားခဲ့တာပါ။
ဒါပေမယ့်လည်း မော်နီကာရဲ့ မိဘတွေက ရွာလူကြီးကို တိုင်ကြားခဲ့တာကြောင့် သူတို့ နှစ်ဦးကို လိုက်လံရှာဖွေခဲ့ပြီး ရွာကိုပြန်လာဖို့ အမိန့်ပေးခဲ့ပြီးနောက် အခုလိုမျိုး ပြစ်ဒဏ်စီရင်ခဲ့တာပါ။
ရှမ်ဘူပူရရွာမှာ အဓိက လူမျိုးနွယ်စုတွေ နေထိုင်ပြီး ရွာသားအများစုက ဘဟီးလ်ဆိုတဲ့ လူ့အသိုင်းအဝိုင်းက ဖြစ်တယ်လို့ ဆိုပါတယ်။
ကောင်မလေးရဲ့ မိဘတွေက ရွာနားနီးချင်းက အခြားကောင်လေး တစ်ယောက်နဲ့ လက်ထပ်ပေးဖို့ ရူပီး ၇၅,ဝ၀ဝ (ပေါင် ၉၀၅) နဲ့ ရောင်းချပြီးဖြစ်ပြီး ရူပီး ၅,ဝ၀ဝ (ပေါင် ၆၀) ကိုလည်း ကြိုတင်ယူပြီးပြီလို့ သိရပါတယ်။
အခြားသူတွေသိရှိစေဖို့နဲ့ စုံတွဲကို သင်ခန်းစာပေးဖို့အတွက် အဝတ်တွေချွတ် ရိုက်နှက်ပြီး ရွာရဲ့အလယ်မှာ လမ်းလျှောက်ခိုင်းခဲ့တာပါ။
ဒီထိတ်လန့်စရာ အဖြစ်အပျက်က ဧပြီလ ၁၆ ရက်နေ့မှာ ဖြစ်ပျက်ခဲ့ပြီး ၂ ရက်အကြာမှာ ရဲတွေသိရှိခဲ့တယ်လို့ ဆိုပါတယ်။
ကာလင်ဂျရာရဲစခန်းမှာ ရဲအရာရှိတစ်ဦးဖြစ်သူ ရာဗင်ဒါကူမာဆင်းက ကောင်မလေးရဲ့ မိဘတွေက ကောင်မလေးကို အခြားသူတစ်ဦးနဲ့ အတင်းအဓမ္မ လက်ထပ်ခိုင်းကြောင်း ပြောပါတယ်။
“ကျနော်တို့ ဒီအမှုကို စုံစမ်းစစ်ဆေးနေပါတယ်။ ရိုက်နှက်တဲ့ ရွာသား ၁၈ ဦးကိုလည်း အခုဖမ်းထားပါတယ်။ အဲဒီလူတွေထဲမှာ စုံတွဲရဲ့ မိသားစုဝင်တွေနဲ့ အခြားရွာသားတွေ ပန်ချရက်အဖွဲ့ဝင်တွေလည်း ပါတယ်လို့” ရဲအရာရှိက ဖြည့်ပြောခဲ့ပါတယ်။
“ဒီဗွီဒီယိုကို ရိုက်ကူးပြီး အင်တာနက်စာမျက်နှာပေါ်တင်ခဲ့တဲ့သူကိုလည်း ရှာဖွေစုံစမ်းနေတယ်” လို့ ရဲက ပြောပါတယ်။
ရိုက်နှက်မှုတွေကြောင့် စုံတွဲထဲမှ အမျိုးသားဖြစ်သူ ကချရူ အပြင်းအထန် ဒဏ်ရာရခဲ့ပြီး ဒေသဆေးရုံမှာ ဆေးကုသမှုခံယူနေတယ်လို့ သိရပါတယ်။
မော်နီကာကို ရဲ က အကာအကွယ်ပေးထားပြီး လက်ရှိအချိန်မှာ သူမကို အိန္ဒိယက ဂေဟာတခုမှာ ထိန်းသိမ်းစောင့်ရှောက်ထားတယ်လို့ သိရပါတယ်။


Loading...