သူရိယသိန္ဓန္တ_မန္တလေး_မဟာသင်္ကြန်စာ - Reader Myanmar

Latest Posts

သူရိယသိန္ဓန္တ_မန္တလေး_မဟာသင်္ကြန်စာ





#မဟာသင်္ကြန်ကျချိန်
**************************
၁၃၇၈ ခု၊ နှောင်းတန်ခူးလပြည့်ကျော် (၃) ရက်၊ သောကြာနေ့။ မြန်မာစံတော်ချိန် နံနက် စက် ၄ နာရီ ၅၆ မိနစ် ၂၉ စက္ကန့် [၁၄-၄-၂ဝ၁၇]
#မဟာသင်္ကြန်အကြတ်ရက်
**************************
၁၃၇၈ ခု၊ နှောင်းတန်ခူးလပြည့်ကျော် (၄) ရက်၊ စနေနေ့ [၁၅-၄-၂ဝ၁၇]
#မဟာသင်္ကြန်တက်ချိန်
**************************
၁၃၇၈ ခု၊ နှောင်းတန်ခူးလပြည့်ကျော် (၅) ရက်၊ တနင်္ဂနွေနေ့။ မြန်မာစံတော်ချိန် နံနက် စက် ၉ နာရီ ၁ မိနစ် ၁ဝ စက္ကန့် [၁၆-၄-၂ဝ၁၇]
#မင်္ဂလာနှစ်ဆန်းတစ်ရက်
**************************
၁၃၇၉ ခု၊ တန်ခူးလပြည့်ကျော် (၆) ရက်၊ တနင်္လာနေ့။ (သုဒ္ဓဒိန်-၁) [၁၇-၄-၂ဝ၁၇]
_________________________________________________
#သူရိယသိန္ဓန္တ_မန္တလေး_မဟာသင်္ကြန်စာ
_________________________________________________
အတာကျူးသည့် လတန်ခူးသည် မြို့ပြကျေးလက် အရပ်ရပ်တို့၌ ပိတောက်၊ ငုဝါ၊ ကံ့ကော်၊ သရဖီစသည့် အတာကြို၊ နှစ်သစ်ကြိုတောပန်း၊ တောင်ပန်းများ ရပ်ရိပ်၊ ရွာရိပ်၊ မြို့ပြရိပ်နှင့် ဝန်းကျင်တခိုတွင် မြိုင်မြိုင်စွင့်၍ လှိုင်လှိုင်ပွင့်သောကာလဖြစ်ပါသည်။ ''ဂိံမှာနံ၊ ဥဏ္ဏဂူ၏၊ ဂုဏ်ယူပြင်းပြ၊ နွေဦးလတို့တွင်၊ ပထမသ္မိံ
ဂိမေ ရှေးဦးအစနွေကာလဖြစ်သော၊ မာသေ-စိတြနှင့်
မိဿ ရာသီ ခါညီဝေါဟာ ကောဇာအသစ်၊ သက္ကရာဇ်ပြောင်းကူး နှစ်နှောင်းဦးသား၊ တန်ခူးခေါ်သောလ၌ ဖုဿိ တဂ္ဂေ-ခါညီစရိုက် ရာသီလိုက်၍ အကိုက်ညွန့်ရှင် လန်းလန်းရွှင်လျက် ဝန်းကျင်ပတ်ကုံး ရှုမြင်၍မဆုံးအောင် ပင်လုံးကျွတ်ပွင့်သော အဖျားရှိသော၊ ပင်ငယ်
တသီး၊ ပင်ကြီးတစ်ရပ်၊ ပင်လတ်တချို့၊ ကင်းငုံစို့နှင့် အချို့ကြီးရင့် သီးကာပွင့်သဖြင့်။ (ဆရာကြီး ဦးသုခ၊ ရတနသုတ်၊ စာ-၁၆၅) ဆိုသကဲ့သို့ နွေကြိုဥသြနှင့် မိုးခေါ်ပိန်ညင်း (ရွှေတိန်ညင်းငှက်) စစ်ခင်းကြသည့် ကာလလည်းဖြစ်ပါသည်။ တန်ခူးရေကုန် ကဆုန်ရေခမ်းဆိုသကဲ့သို့ တန်ခူးလသည် ရေဓာတ်ခမ်းခြောက်သောကာလ၊ ရေပြတ်ရေနည်းဖြစ်တတ်သောကာလလည်း ဖြစ်တတ်သကဲ့သို့ တန်ခူးမည်မှတ် ဖက်ဆွတ်ရေတိုးသင်္ကြန်မိုးဟု ဆိုထားပြန်သဖြင့် သင်္ကြန်မိုးရွာတတ်သော အခါသမယလည်းဖြစ်ပါပေသည်။
#ရက်ကောင်းရာဇာ
*************************
''မိဿ ၊ ပြိဿ ၊ မေထုန်၊ ကရကဋ်၊ သိဟ်၊ ကန်၊ တူ၊ ဗြိစ္ဆာ၊ ဓနု၊ မကာရ၊ ကုံ၊ မိန်'' ဟူသော သူရိယမာသ မြန်မာလတစ်ဆယ့်နှစ်ပါးတွင် တန်ခူးလ (မိဿ ) ရာသီသည် နှစ်တစ်နှစ်၏ အဦးအစ သမယလည်းဖြစ်ပါပေသည်။
''တန်ခူးသာလှ၊ ထွန်းပကဆုန်၊ နယုန်ညွန့်ပ၊ အောင်လဝါဆို၊ သာလိုဝါခေါင်၊ မြတောင်တော်သလင်း၊ သီတင်းကျွတ်ဆီမီး၊ သောရီတန်ဆောင်မုန်း၊ သံလုံးနတ်တော်၊ မနော်ပြာသို၊ မိညိုတပို့တွဲ၊ အဲဝင်တပေါင်းမြဲပင်ကောင်းသည့် ရက်ကောင်းရာဇာတည်း''ဟူသော ဗေဒမကုဋမာလာလင်္ကာအရ တန်ခူးလတွင် ဗုဒ္ဓဟူးနှင့် သောကြာသည် ရက်ရာဇာဖြစ်ကြောင်း ဖော်ပြ၍ တန်ခူး၊ ဝါခေါင် တိမ်တောင်ထွန်းပေါ် လနတ်တော် မလျော်မြွေနှင့်ကြွက်ဟု ဆိုထားပြန်သဖြင့် စနေနှင့် ကြာသပတေးသည် ပြဿ ဒါးရက်များဟု မှတ်သားရပါသည်။
''ပတ်-သံ-တာ-ရှည်-တီး-သံ-မြည်-လက်-ဆီ-ကန်-စာ-ရေး၊ တဆတိုးထမ်းပိုးတင် ညဥ့်လျင်အကြွင်းဆေး'' ဟူသော ရှေးမြန်မာနာရီအချိန်သတ်မှတ်မှုအရ တစ်ရက်တာကာလတွင် မြန်မာနာရီ ၆ဝ ရှိရာ တန်ခူးလတွင် နေ့နာရီ ၃ဝ၊ ညနာရီ ၃ဝ ရှိ၍ နေ့နှင့်ည အချိန်ညီမျှမှုရှိကြောင်းသိရသည်။
တစ်ဖန် ''နတ်လူ၏ ကြက္တိကာ၊ သံရာကန်ဆင်း ကြာညင်းသရဝဏ်၊ မွန်လောကြက်မြေလူး၊ တောဆူးသံမြိတ်လှုံ၊ ဆုံအာနဂါးနေရောင်လွှတ်၊ နွတ်သင်းမုယင်းကောက် သားဝင်၊ ကုန်စင်အတာတက်၊ ရက်ပေါင်းမောင်သာညို''ဟု ရှေးဆရာမြတ်များ၏ လမ်းအဖုံဖုံ ကျမ်းအစုံစုံတို့မှ ကောက်နုတ်ချက်များအပေါ် အခြေခံလျက် အတာတက်သည့် ရက်မြတ်အမှန် သင်္ကြန်လက်ရိုး အမျိုးမျိုး စီရင်တွက်ထုတ်ခဲ့ကြပါသည်။
အဿ ဝဏီ၊ ဘရဏီ၊ ကြက္တိကာ၊ ရောဟနီ၊ မိဂသီ၊ အဒြ၊ ပုဏ္ဏဖုသျှ၊ ဖုသျှ၊ အသလိဿ၊ မာဃ၊ ပြုပ္ပဘရဂုဏ္ဏီ၊ ဥတ္တရဘရဂုဏ္ဏီ၊ သရဝဏ်၊ ဟသတြ၊ စိတြ၊ သွာဒိ၊ ဝိသာခါ၊ အနုရာဓ၊ ဇေထ၊ ပြုပ္ပာပရပိုက်၊ ဥတ္တရာပရပိုက်၊ ဓနသိဒ္ဓိ၊ သတ္တဘိသျှ၊ ရေဝတီ''အစရှိသော နက္ခကြီး ၂၇လုံးတို့ဖြင့် ဆုံးဖြတ်ပါက ရေဝတီနက္ခတ် ဥဗျိုင်းတာရာနှင့် ရာသီရုပ်မှာ ဆိတ်ရုပ်ဖြစ်ပြီး စိတြကြယ်ထွန်းလင်းသော တန်ခူးကာလတွင် အတာသင်္ကြန်ကျ၍ ရေသဘင်ပွဲတော် ကျင်းပလေ့ရှိပါသည်။
ကြည်နူးရွှင်မြူးစွာဖြင့် နှစ်ဦးကိုကြို
''သင်္ကြန္တ''ဟူသော အခေါ်အဝေါ် ဝေါဟာရသည် သက္ကဋပုဒ်မှ ဆင်းသက်လာသော စကားစုဖြစ်ပြီး ကူးပြောင်းခြင်း၊ ပြောင်းရွှေ့ခြင်းဟု အဓိပ္ပာယ်ရကြောင်း ပညာရှင်တို့က ဖွင့်ဆိုသည်။
ထို့အပြင် သီတဂူဆရာတော်ကြီး ကလည်း ''မြန်မာတို့ပြောလေ့ရှိသည့် သင်္ကြန်ဆိုသည်မှာ သင်္ကန္တပုဒ်မှ ဖြစ်ပေါ်လာခြင်းဖြစ်ကြောင်း၊ သင်္ကန္တဆိုသည်မှာ ပြောင်းခြင်းဟု အဓိပ္ပာယ်ရကြောင်း၊ ယင်းသင်္ကန္တဆိုသည့်ပုဒ်အား လောက၊ ဓမ္မ နှစ်ဌာနရှုထောင့်ကကြည့်လျှင် မွန်မြတ်သောအဓိပ္ပာယ် များစွာရှိကြောင်း၊ ရေလောင်းခြင်းဖြင့် အရေပြားပေါ်ရှိ အညစ်အကြေးပင် အကုန်မစင်ကြောင်း၊ တိတ္ထိပရဗိုဇ်တွေ ဂင်္ဂါနှင့် ယမုံနာတွင် ရေစိမ်ကျ၊ ရေချိုးကြသော်လည်း မည်သည့်ကိလေသာမှ စင်ကြယ်ခြင်းမရှိကြောင်း၊ ထို့ကြောင့် သင်္ကန္တဆိုသော စကားရပ်အရ အမြတ်ဆုံးသော ပြောင်းလဲခြင်းဖြစ်အောင် လောဘကို ဒါန သံဝိဘာဂီသို့လည်းကောင်း၊ ဒေါသကို မေတ္တာသို့လည်းကောင်း၊ အဝိဇ္ဇာကို ဝိဇ္ဇာသို့လည်းကောင်း ပြောင်းနိုင်အောင် ကြိုးစားကြရန် လိုအပ်ကြောင်း''ဟူ၍ ဟောပြောဆုံးမခဲ့သည်။
ထိုသို့သောအခါသမယတွင် ဗုဒ္ဓဘာသာ မြန်မာများအနေဖြင့် အတိတ်ရှိသော၊ သမိုင်းကြီးသော၊ ယဉ်ကျေးမှု မြင့်မားသော လူမျိုးများပီပီ၊ နူးညံ့သိမ်မွေ့စွာ တစ်ဦးနှင့်တစ်ဦး သပြေခက်နှင့်ရေပက်၍ ကြည်နူးရွှင်မြူးစွာဖြင့် နှစ်ဦးကို ကြိုဆိုကြမြဲဖြစ်သည်။
အဟောင်းအညစ်တို့နေရာတွင် အကောင်းအသစ်တို့ဖြင့် အစားထိုး ကူးပြောင်းနိုင်ရန်လည်းကောင်း၊ ပူပြင်းသော ဂိံမန္ထကို ရေစင်ဖြင့် အေးမြစေရန်လည်းကောင်း ရည်ရွယ်လျက် သင်္ကြန်အတာ ရေသဘင်ပွဲ ဆင်နွှဲကြခြင်းဖြစ်ပါသည်။
ရောင်ခြည်တစ်ထောင် အလင်းဆောင်
ရှေးမင်းစဉ်မင်းဆက်၊ နန်းစဉ်နန်းဆက်၊ ဘိုးစဉ်ဘောင်ဆက်၊ လက်ထက်အခါသမယ ဘိသိက်တော်ဆက်၊ ရှစ်ပါးရိုးရာ၊ ဓမ္မရာဇာဓိ၊ ရာဇဂုရုဘွဲ့အမည်
ဝိသေသများရရှိခဲ့သော ပုဏ္ဏားဝန်ပညာရှိ ကစ္စနာ မောဟန၏ မြစ်၊ မြန်မာနိုင်ငံပြက္ခဒိန်တော်ဆက် အကြံပေးအဖွဲ့ဝင် နက္ခတ်ဗေဒင်ပညာရှိ(ဗေဒစိန္တာဗလ) ဆရာကြီး ဦးဗိုလ်ထွေး၏သား၊ (ဗေဒစိန္တာမယ) ဆရာကြီးဦးလှကြိုင်၊ ဆရာကြီးဦးဘလှိုင်နှင့် မြေးဆရာကြီး ဦးမင်းသိန်း၊ B.Sc (Hons:)H.G.P တို့မှ တွက်ချက်စီမံထုတ်ဝေသော မြန်မာသက္ကရာဇ် ၁၃၇၉ ခုနှစ်အတွက် သူရိယသိဒ္ဓန္တ မန္တလေးမဟာသင်္ကြန်စာအလိုအရ သိရှိဆောင်ရွက်နိုင်ရန် အကျဉ်းမျှကောက်နုတ်တင်ပြရသော် -
ရောင်ခြည်တစ်ထောင် အလင်းဆောင်သည့် ဘာနုရာဇာမည်သော တနင်္ဂနွေဂြိုဟ်မင်းသည် တပေါင်းဖြစ်သော မိန်ရာသီ၊ အဿ ဝဏီနက္ခတ်၊ စတုတ္ထပါဒ်၊ အဝသာန်နဝင်းမှ တန်ခူးဖြစ်သော မိဿ ရာသီ အဿ ဝဏီနက္ခတ် ပထမပါဒ် အာဒိနဝင်းထက်သို့ တွက်စစ်ကောဇာ နှစ်သင်္ချာကား ၁၃၇၈ ခုနှစ်၊ နှောင်းတန်ခူးလပြည့်ကျော် (၃) ရက်၊ ခရစ်နှစ် ၂ဝ၁၇ ခုနှစ်၊ ဧပြီလ (၁၄) ရက်၊ သောကြာနေ့ မြန်မာစံတော်ချိန် နံနက် စက် (၄)နာရီ (၅၆) မိနစ်၊ (၂၉) စက္ကန့်၊ မြန်မာဗဟိုရ်ညဥ့် (၃)ချက်တီးကျော် (၅) နာရီ၊ (ဝ) ပါဒ်၊ (၁ဝ) ဗီဇနာ၊ (၂၈)ခရာအချိန်၊ မိန်ရာသီလဂ်၊ နတ်အပေါင်းတို့ကို ပူဇော်ကန်တော့ပြီး ဗြိစ္ဆာရာသီစန်း တနင်္လာဟောရက်၊ တနင်္လာတြင်း၊ သောကြာနဝင်း၊ တနင်္လာဒွါဒသင်း၊ ကြာသပတေးတိံသင်း၊ နက္ခတ်(၂၅) လုံး၊ (၂) ပါဒ်၊ (၁၁) ဃဋီ၊ (၁၂) ဝိဃဋီ၊ (၈) အနုဃဋီ ပြည့်ထက်လဂ်စီးလျှက်' ထိုနာရီမွန်းတည့်နက္ခတ်သော်ကား ပြုပ္ပာသဠ် နက္ခတ် (၂၅၃) အံသာ၊ (၂၅) လိတ္တာတွင် ဘိသျှတိကရိုဏ်းနှင့်ယှဉ်လျှက် တနင်္ဂနွေဂြိုဟ်မင်းသည် ခရုသင်းအဆင်းနှင့်တူသော အဝတ်တန်ဆာတို့ကို ဝတ်ဆင်လျှက် နွားလားဥဿ ဘစီး၍ လက်တစ်ဖက်ကား ပုဆိန်၊ ကျန်လက်တစ်ဖက်ကား တံစဉ်ကိုင်လျှက် အရှေ့တောင်ထောင့်မှသည် အနောက်သို့ဝင်၏ စသဖြင့်ပြဆိုရာ မိုးဦး၊ မိုးလယ်တန့်အံ့၊ မိုးနှောင်းကောင်းအံ့၊ လူတို့ ဘုရား၊ ပုထိုး၊ ကျောင်း၊ ကန်၊ ကုသိုလ် ကောင်းမှုပြုသည်များကုန်အံ့၊ ယုတ်သောထမိန်ဝတ်ကြောင့် မြတ်သောထမိန်ဝတ်တို့ ပျက်စီးကုန်အံ့၊ ကျွဲ၊ နွား စသော အခြေလေးခုတို့ ဥပဒ်ဖြစ်အံ့၊ ပြည်ကြီး၊ ပြည်ငယ် ခြောက်ခြားကြကုန်အံ့၊ ပိုးချည်ရှားအံ့။
(ဤကားမဟာသင်္ကြန်ကျ အဟောတည်း။)
''သင်္ကြန်သုံးပါးတို့တွင် သမန္တမဟာသင်္ကြန်ဖြစ်သောကြောင့် သင်္ကြန်ကျပြီးနောက် ၂၄ မိနစ်သို့ ရောက်သောအချိန်၌ ဦးခေါင်းဆေးမင်္ဂလာပြုရာ၏။ ထို့အပြင် သင်္ကြန်အကျမြေခံ စနေနေ့ဖွားသားသမီးနှင့် သင်္ကြန်အကျနေ့ သောကြာနေ့ဖွားသားသမီးတို့မှလွဲ၍ ကျန်သောနေ့သားသမီးတို့သည် မိမိတို့၏ ဂဟပတိအရပ်ဖြစ်သည့် တနင်္ဂနွေသားသမီးကား အနောက်တောင်အရပ်၊ တနင်္လာသားသမီးကား အနောက်အရပ်၊ အင်္ဂါသားသမီးကား အနောက်မြောက်အရပ်၊ ဗုဒ္ဓဟူးသားသမီးကား မြောက်အရပ်၊ ကြာသပတေးသားသမီးကား အရှေ့အရပ်၊ ရာဟုနေ့သားသမီးကား အရှေ့တောင်ထောင့်အရပ်များသို့ မျက်နှာမူပြီး မိမိတို့၏အမြစ်နံဖြစ်သော တနင်္ဂနွေသားသမီးကား ဒန်းညွန့်၊ တနင်္လာကား အုန်းညွန့်၊ အင်္ဂါကား ကံ့ကော်ညွန့်၊ ဗုဒ္ဓဟူးကား မြေစာညွန့်၊ ကြာသပတေးကား ရွက်လှညွန့်၊ ရာဟုကား မြေစာညွန့်အစရှိသည်တို့ကို နင်းကြမ်းပြု၍ မိမိတို့၏အညွန့်ပန်းဖြစ်သော တနင်္ဂနွေကား ကံ့ကော်ညွန့်၊ တနင်္လာကား မြေစာညွန့်၊ အင်္ဂါကား ရွက်လှညွန့်၊ ဗုဒ္ဓဟူးကား သပြေညွန့်၊ ကြာသပတေးကား သီးညွန့်၊ ရာဟုကား သပြေညွန့်နှင့် နံတူပန်းညွန့်တို့ကို အသီးသီးဆောင်လျှက် ရတနာသုံးပါး၊ မိဘဘိုးဘွား၊ ဆရာသမား၊ သိကြား၊ ဗြဟ္မာ၊ စတုလောကပါလ သမ္မာဒေဝနတ်မြတ်နတ်ကောင်း နတ်အပေါင်းတို့ကို ပူဇော်ကန်တော့ပြီး မိမိတို့လိုရာဆုတောင်း ဦးခေါင်းဆေးမင်္ဂလာ ပြုကုန်ရာ၏။
#ဦးခေါင်းဆေးမင်္ဂလာ
************************
ထို့ပြင် သင်္ကြန်အကျ မြေခံနေ့သားသမီးဖြစ်သော စနေသားသမီးတို့သည် အရှေ့မြောက်အရပ်ရှိ သစ်ပင်အရင်းတွင် သီးညွန့်ကို အခင်းပြု၍ အုန်းညွန့်ကိုဆောင်လျှက် အရှေ့မြောက်အရပ်သို့ မျက်နှာမူကာ သင်္ကြန်အကျနေ့တွင် ဦးခေါင်းဆေးမင်္ဂလာ ပြုရာ၏။ အလားတူ သောကြာနေ့သားသမီးတို့မှာလည်း သင်္ကြန်အကြတ်နေ့တွင် တောင်အရပ်ရှိသစ်ပင်အရင်းတွင် သပြေရွက်ကိုအခင်းပြုလျက် ဒန်းညွန့်ကိုကိုင်ဆောင်ပြီး စနေနေ့၌ တောင်အရပ်သို့မျက်နှာမူပြီး ဦးခေါင်းဆေးရာ၏''ဟု သူရိယသိဒ္ဓန္တ သင်္ကြန်စာက အဟောပြုထားသည်။
တစ်ဖန် သင်္ကြန်ကာလရှောင်ကြဉ်ရမည့် အကြောင်းအရာများကား မင်္ဂလာစကား လင်္ကာကြားအံ့၊ ကြောင်းလျားစုံစေ့၊ သင်္ကြန်နေ့၌ မတွေ့ဝေးစွာ ရှောင်ကုန်ရာသား၊ မသာနှလုံး ညှိုးချုံးစိုးရိမ် မငြိမ်ပူဆွေး ငိုကြွေးကုန်ထ၊ ကာမအရာ မေထုနာနှင့် ပာဏာသတ်ပုတ်၊ သောက်ထုတ်သေရက်၊ မျက်ထွက်မာန၊ ပရိယနှင့် ဒေါသကိုငြှိမ်း ဆီလိမ်းပွတ်စင် သစ်ပင်ခုတ်ဖြတ်၊ သတ်ခတ်ကုန်ရှောင်၊ အရောင်းအဝယ် လဲလှယ်ဟူသည် ဤဆယ်မည်ကို လူ့ပြည်လူ့ခွင် လူကိုပင်ထား မြင့်မိုရ်ဖျားဝယ် သိကြားသော်မျှ မပြုကြရာ ရှောင်ကြဉ်ရာဟု ကျမ်းလာသော်ကား
လင်္ကာကြားသည် ဤကား မဟာသင်္ကြန်အလိုတည်း ဟူ၍။
အထင်ရှားဆုံးနှင့် အထူးမြတ်ဆုံးပွဲ
၁၃၇၉ ခုနှစ်အတွက် အတာစားသောနေ့မှာ တနင်္ဂနွေဖြစ်ပြီး၊ နှစ်အလိုဟောကိန်းအနေဖြင့် ကောက်နုတ်တင်ပြရသော် မိုးရွာသွန်းမှုများအံ့၊ အချို့နေရာတွင် မိုးသီးကြွေခြင်း၊ ငလျင်ကိန်းကြုံခြင်း၊ မူးယစ်ဆေးဝါးမှုများ၊ ဒုစရိုက်မှုများ၊ ရာဇဝတ်မှုများ၊ လူကုန်ကူးမှုများ၊ ဆူပူလှုပ်ရှားမှုများကို ထိရောက်စွာ ဖော်ထုတ်အရေးယူနိုင်ပြီး အသိပညာပေးမှုကြောင့် လျော့နည်းလာအံ့ဟုလည်းကောင်း၊ ရဟန်းသူတော်မြတ်များသည် ပြည်တွင်း၊ ပြည်ပ ကျယ်ပြန့်စွာ သာသနာပြုနိုင်ခြင်း၊
ဆန်စပါး နို့ထွက်ပစ္စည်းများ၊ ကြေးနီ၊ နံ့သာနီ၊ ကျောက်မျက်ရတနာ၊ ပုလဲ ထွက်ရှိမှုအားကောင်းခြင်း၊ ကြံ၊ ကြံသကာ၊ သကြား၊ ဆီ၊ နှမ်း၊ အဝတ်အထည်၊ သစ်၊ ဝါး၊ ကြိမ်၊ နွယ် ဈေးကောင်းခြင်း၊ ငွေ၊ ငွေထည်ပစ္စည်း၊ ဝါ၊ ထောပတ် ဈေးပေါအံ့၊ ဂျုံ၊ ဆန်၊ မတ်ပဲ၊ သကြား၊ ဆီ၊ နှမ်း၊ ကွမ်းသီး၊ ကုလားပဲ ဈေးတက်အံ့ဟူ၍လည်းကောင်း၊ တစ်ဖန် ဤနှစ်တွင် ဗဟိုချုပ်ကိုင်မှု ဖြေလျှော့လာသည်နှင့်အမျှ အပြန်အလှန်ထိန်းကျောင်းမှုကို အခြေခံသော ဒီမိုကရေစီယဉ်ကျေးမှုအသွင်သစ်ကို အခက်အခဲများကျော်လွှားနိုင်ပြီး ပြောင်းလဲလာနိုင်အံ့၊ လွတ်လပ်သောဈေးကွက် ဖြစ်ပေါ်လာအံ့၊ နိုင်ငံတကာဆက်ဆံရေး၊ ကူးသန်းရောင်းဝယ်ရေးနှင့် နိုင်ငံခြားရင်းနှီးမြှုပ်နှံမှုတို့ကို အရှိန်အဟုန်မြှင့်ပြီး လုပ်ဆောင်လာနိုင်အံ့၊ နိုင်ငံတကာရေးရာကိစ္စရပ်များတွင် အခက်အခဲများကို နည်းပရိယာယ် ကြွယ်ဝမှန်ကန်စွာဖြင့် ပြေလည်အောင်ဖြေရှင်းနိုင်အံ့ စသည်ဖြင့်လည်းကောင်း၊ ထိရောက်သည့် အခွန်စည်းကြပ်မှုပြုလုပ်နိုင်ခြင်း၊ ကုန်ထုတ်စွမ်းအားများ တိုးမြှင့်ထုတ်လုပ်နိုင်ခြင်း၊ စတော့ရှယ်ယာဈေးကွက် ပိုမိုကျယ်ပြန့်ဖွံ့ဖြိုးလာအံ့၊ အတက်အကျမြန်အံ့၊ ပညာရေး၊ ကျန်းမာရေး၊ လူမှုကာကွယ်စောင့်ရှောက်ရေး လုပ်ငန်းများ တိုးမြှင့်လုပ်ဆောင်သွားအံ့၊ လူမှုကူညီရေးပရဟိတအသင်းများ၊ သဘာဝဘေးဒုက္ခ ကူညီကယ်ဆယ်ရေးအဖွဲ့များ တိုင်းပြည်နေရာအနှံ့အပြားတွင်ပေါ်ပေါက်အံ့၊ အရေးကြီးထင်ရှားသည့် ပုဂ္ဂိုလ်များ ဘေးရှိအံ့ဟူ၍လည်းကောင်း၊ ဂန္ထန္တရ ရေကိန်း မိုးကိန်းကား မိုးဦး၊ မိုးလယ်ကောင်း၍ မိုးနှောင်းတန့်အံ့၊ ရေဦးရေကြီး၍ ရေလယ်၊ ရေနှောင်းရေနည်းအံ့ဟူ၍လည်းကောင်း၊ အဟောထုတ်ကြံပြုထားသည်တို့ကို တွေ့ရှိရသည့်အပြင် နေ့အလိုက်ဟောကိန်း၊ လအလိုက်ဟောကိန်း၊ အတာစက္ခုအလိုဟောကိန်း၊ ရသေ့အလိုဟောကိန်း၊ တောင်သူလယ်သမားများအတွက် ထွန်ချ၊ ပျိုးကြဲ၊ ကောက်သားဝင်ရက်ဟောကိန်းနှင့် ရဟန်းတော်များအတွက် ဝါဆိုဝါကပ်ရက်များ အပါအဝင် အသေးစိတ် အဟောပြုထားသည်ကိုလည်း လေ့လာဖတ်ရှုခြင်းဖြင့် သိရှိ၍ ဆောင်ရန်၊ ရှောင်ရန်များ ဆောင်ရွက်နိုင်မည်ဖြစ်ပါသည်။
အချုပ်အားဖြင့်ဆိုရပါမူ မြန်မာ့ရိုးရာ အတာသဘင်သင်္ကြန်ပွဲသည် မြန်မာတို့၏ ဓလေ့ထုံးတမ်း ဆယ့်နှစ်လ ရာသီပွဲတော်များထဲတွင် အထင်ရှားဆုံးနှင့် အထူးမြတ်ဆုံးပွဲတစ်ခုဖြစ်ပါသည်။
ထိုသို့သော ပွဲတော်ကာလအတွင်း ယဉ်ကျေးမှုနှင့်လျော်ညီစွာ အတာရေသဘင်ကို ပါဝင်ဆင်နွှဲနိုင်ကြပါသည်။ ရေကစားခြင်း၊ မုန့်လုံးရေပေါ်ပြုလုပ်ဒါနပြုခြင်း၊ စတုဒိသာကျွေးမွေးခြင်း၊ အလှူ ဒါနပြုခြင်း၊ နိဗ္ဗာန်ဈေးပြုကုသိုလ်ယူခြင်း၊ သက်ကြီးပူဇော်ပွဲကျင်းပခြင်း၊ သက်ကြီးရွယ်အိုများအား တစ်ကိုယ်ရေသန့်ရှင်းကုသိုလ်ပြုခြင်း၊ နှစ်ဦးဆွမ်းကပ်ခြင်း၊ ရေလှူခြင်း၊ ဘုရားကျောင်းကန် စေတီပုထိုးများတွင် ရေသပ္ပာယ်ခြင်း၊ ရောင်တော်ဖွင့်ခြင်း၊ ရွာဦး
ရွာထိပ် မြို့ဦးမြို့ထိပ်တို့၌ ကမ္မဝါ၊ ပရိတ်၊ ပဋ္ဌာန်း ရွတ်ဖတ်ပူဇော်ခြင်းစသည့် မြတ်နိုးတန်ဖိုးထားအပ်သော အစဉ်အလာကောင်းများဖြင့် စည်ကားသာယာခဲ့သည့် မြန်မာများဖြစ်သည်နှင့်အညီ ဤအစဉ်အလာကောင်းများ နှစ်ရှည်လများ တည်တံ့စေချင်ပါသေးသည်။
ပလ္လင်ရှစ်ခန်း ထီးဖြူ တော်ရှစ်စင်းနှင့် ခမ်းနားထည်ဝါစွာ ကိုယ့်ထီးကိုယ့်နန်း ကိုယ့်ကြငှန်းနှင့် နေလာခဲ့ကြသော မြန်မာလူမျိုး တိုင်းရင်းသား ညီအစ်ကိုမောင်နှမများနှင့် ခုနစ်ရက်သားသမီးအားလုံး သင်္ကြန်ကာလကို ပျော်ရွှင်ချမ်းမြေ့စွာဖြတ်သန်း၍ ဦးခေါင်းဆေးမင်္ဂလာပြုကာ မင်္ဂလာနှစ်သစ်ကို ကြိုဆိုနိုင်ကြပါစေ၊ မကောင်းသောဘေး၊ မကောင်းသောဒဏ်၊ မကောင်းသောရန်၊ မကောင်းသောကံကြမ္မာ၊ မကောင်းသောဂြိုဟ်ဇာတာများ ရာသက်ပန်ကင်းဝေးခြင်း၊ နေလသဖွယ် စည်းစိမ်ကြွယ်၊ ကိုယ်ဝယ်နေ့တိုင်း ရကြပါစေ၊ ရန်သူတကာ သတ္တဝါလည်း လွတ်ကင်းသောပုဂ္ဂိုလ်များဖြစ်ခြင်း။
သိဒ္ဓိရာဇာလူတကာလည်း မြင်လျှင်မြင်တိုင်း ချစ်ခင်နှစ်သက်ခြင်း၊ ကိုင်ရာဆေး၊ ရေးရာအက္ခရာဖြစ်၍၊ လက်ဆယ်ချောင်း ဆေးဆယ်လက်ဖြစ်ခြင်း၊ ရတနာရွှေငွေ အိမ်တိုက်ခြံကား ဆယ့်တစ်ပါးသော လောကီစည်းစိမ်ဥစ္စာရတနာများလည်း ပိုင်ဆိုင်ဝင်ရောက်နိုင်ခြင်း၊ စိန်၊ ကြောင်၊ နီလာ၊ သန္တာ၊ ပုလဲ၊ ဂေါ်မုတ်၊ ဥဿ ဖရား၊ ပတ္တမြား၊ မြ စသည့် နဝရတ်ကိုးပါးများ တိုးပွားရရှိပိုင်ဆိုင်ခြင်း၊ ပြောသမျှဆိုသမျှ လုပ်သမျှကိုင်သမျှ ကြံသမျှ စည်သမျှ အဝဝမှာလည်း အောင်မြင်နိုင်ခြင်း၊ ဒါန၊ သီလ၊ ဘာဝနာပွားများ အားထုတ်နိုင်ခြင်း၊ ပီယသိဒ္ဓိ၊ ဓနသိဒ္ဓိ၊ လာဘသိဒ္ဓိ၊ ဘောဂသိဒ္ဓိ၊ မနောမယသိဒ္ဓိ စသည့် လောကီသိဒ္ဓိ ဆယ်ပါးဖြင့် နေ့ရောညဥ့်ပါ အခါခပ်သိမ်း ပြီးပြည့်စုံနိုင်ကြ၍ ကောင်းကျိုးချမ်းသာ မင်္ဂလာအဖြာဖြာနှင့် အခါခပ်သိမ်း ပြည့်စုံနိုင်ကြပါစေဟု တောင်းဆုမင်္ဂလာ ဆန္ဒပြုရင်း။ ။


Loading...