Winner ဆုအတွက် အားစိုက်ထုတ်ရမည့် Myanmar Idol Top 3 - Reader Myanmar

Latest Posts

Winner ဆုအတွက် အားစိုက်ထုတ်ရမည့် Myanmar Idol Top 3




Winner ဆုအတွက် အားစိုက်ထုတ်ရမည့် Myanmar Idol Top 3  



နောက်ဆုံးကျန်ရှိသည့် Myanmar Idol Top 3 များဖြစ်ကြသည့် သားငယ်၊ ပိုးမီ၊ ဘီလီလမင်းအေး တို့အနေဖြင့် Myanmar Idol Winner ဆုအတွက် အကြိတ်အနှယ် ယှဉ်ပြိုင်သီဆိုရမည့် အချိန်ကာလသည် မကြာမီ ရောက်ရှိလာတော့မည် ဖြစ်သည်။ ယင်းသို့ သုံးဦးစလုံး winner ဆုအတွက် အားစိုက် ယှဉ်ပြိုင်မှ ရရှိနိုင်မည်ဖြစ်သည်။

Myanmar Idol Top 3 တို့၏ ပရိသတ်များနှင့် တွေ့ဆုံခွင့် Meet the FANs အစီအစဉ်တစ်ရပ်ကို မတ်လ ၁၄ ရက်နေ့ ညနေပိုင်းက ကန်တော်ကြီး အမျိုးသားဥယျာဉ်တွင် ကျင်းပခဲ့ပြီး သားငယ်၊ ပိုးမီနှင့် ဘီလီလမင်းအေး တို့က ၄င်းတို့၏ FANS များနှင့်အတူတကွ ဖျော်ဖြေမှုများလည်း ပြုလုပ်ခဲ့ကြသည်။

Vote နံပါတ် ၂ သားငယ်အနေဖြင့် မြန်မာတစ်နိုင်ငံလုံး၏ ကရုဏာအပြင် ၄င်း၏ အသံတည်ငြိမ်မှုအပေါ် ပရိသတ် လက်ခံမှု အပြည့်အ၀ ရရှိထားသူ တစ်ယောက်အဖြစ် Top 3 ယှဉ်ပြိုင်မှုတွင် မည်သို့မည်ပုံ ပါဝင်ယှဉ်ပြိုင် မည်ဆိုသည်က ၄င်း၏ ပရိသတ်အတွက် စိတ်လှုပ်ရှားဖွယ်ပင် ဖြစ်သည်။

အသံသြဇာကောင်းမွန်ပြီး သီချင်းသီဆိုမှု သေသပ်လှသည့် ပိုမီ ( Vote နံပါတ် ၆ ) အနေဖြင့်လည်း ၄င်း၏ ပရိသတ် အရေအတွက်ကလည်း အများအပြားပင် ရှိနေသည်။ ပိုးမီ၏ သီချင်းသီဆိုဟန်ကလည်း ပညာသားပါပါဖြင့် နားထောင်သူ ပရိသတ်၏ ရင်တွင်းသို့ လှုပ်ခတ်နိုင်စွမ်းရှိသူတစ်ယောက်၏ Top 3 ယှဉ်ပြိုင်မှုတွင် ၄င်း၏ ယှဉ်ပြိုင်မှုကလည်း စိတ်ဝင်စားစရာပင် ဖြစ်စေသည်။

အမျိုးသား ပရိသတ် တော်တော်များများ၏ အားပေးထောက်ခံမှုကို ရရှိထားသူ ဘီလီလမင်းအေး ( Vote နံပါတ် ၉ ) ကလည်း အသံချိုချိုဖြင့် ပရိသတ်များကို ဖမ်းစားနိုင်သူတစ်ဦး ဖြစ်သည်။ အသံချိုချိုနှင့် သီဆိုဟန်ပန်ကလည်း ပရိသတ်များကို နှစ်သက်စေသည့်အတွက် Myanmar Idol Winner ဆုကို မျှော်မှန်းနိုင်သူ တစ်ဦးဖြစ်နေသည်။

တစ်ဦးချင်းစီ၏ အခိုင်အမာ ရရှိထားသော တစ်နိုင်ငံလုံးရှိ ပရိသတ်များ၏ Vote များဖြင့် မည်သူက Myanmar Idol Winner ဖြစ်လာမည် ဆိုသည်ကို ရင်ခုန်စိတ်လှုပ်ရှားဖွယ် ကြည့်ရှုရတော့မည့် အချိန်သည်လည်း တဖြည်းဖြည်း နီးကပ်လာနေပြီ ဖြစ်သည်။

The Ladies News


Loading...