တေဇလင်းအား နိုင်ငံကိုယ်စားပြု Mister အဖြစ်မှ ရပ်ဆိုင်း - Reader Myanmar

Latest Posts

တေဇလင်းအား နိုင်ငံကိုယ်စားပြု Mister အဖြစ်မှ ရပ်ဆိုင်း




Mister Asian Myanmar 2016 ဆုရှင် တေဇလင်းအား နိုင်ငံကိုယ်စားပြု Mister တစ်ယောက်အဖြစ်မှ ရပ်ဆိုင်းပယ်ဖျက်ကြောင်း Mister of Myanmar Organization မှ မတ်လ ၂၀ ရက်နေ့တွင် ကြေညာချက်ထုတ်ပြန်ခဲ့သည်။





အသက် ၁၉ နှစ်အရွယ် စင်သီယာနော့ ဆိုသူမိန်းကလေးနှင့် လက်မထပ်ပဲ ၃ နှစ်ခန့် အတူနေထိုင်ခဲ့ပြီးနောက် မိန်းကလေးတွင် ကိုယ်ဝန်ရှိလာခဲ့ပြီး လက်ထပ်ပေါင်းသင်းတာဝန်ယူရန် ပြောဆိုခဲ့သော်လည်း တာဝန်ယူခြင်းမရှိပဲ ကိုယ်ဝန်ဖျက်ရန်သာ တိုက်တွန်းအကြံပေးခဲ့သဖြင့် ကိုယ်ဝန်ခြောက်လ ရှိချိန်တွင် စင်သီယာနော မခံစားနိုင်တော့သည့်အဆုံး မတ်လ ၂၀ ရက်နေ့က ဗိုလ်တစ်ထောင်ဘုရားလမ်းရှိ Orchid ဟိုတယ်တွင် စာနယ်ဇင်းမီဒီယာများအား ဖိတ်ကြားကာ စာနယ်ဇင်းရှင်းလင်းပွဲတစ်ခု ပြုလုပ်ပြီး တာဝန်မဲ့သူ တေဇလင်းအား ကာမလိမ်လည်ရယူမှုဖြင့် အမှုဖွင့်ထားကြောင်း ရှင်းလင်းခဲ့သည်။


အဆိုပါ စာတယ်ဇင်းရှင်းလင်းပွဲအပြီးတွင် Mister of Myanmar Organization တည်ထောင်သူ CEO ဇေယံဟိန်းမှ ကြေညာချက်ထုတ်ပြန်၍ အဆိုပါသတင်း မှန်ကန်သည်ဖြစ်စေ မှားယွင်းသည်ဖြစ်စေ အဖွဲ့အစည်း၏ ဂုဏ်သိက္ခာငြိုးနွမ်းစေသည့်အတွက် တေဇလင်းအား နိုင်ငံကိုယ်စားပြု Mister အဖြစ်မှ ရပ်ဆိုင်းလိုက်ပြီး အဖွဲ့နှင့် သက်ဆိုင်ခြင်းမရှိတော့ကြောင်း ကြေညာခဲ့သည်။

Loading...