လက်ပံတောင်း ပစ်ခတ်မှုတွင် ပါဝင်သည့် ရဲတပ်ဖွဲ့ဝင် များကို ဒေသခံများက တရားစွဲမည် - Reader Myanmar

Latest Posts

လက်ပံတောင်း ပစ်ခတ်မှုတွင် ပါဝင်သည့် ရဲတပ်ဖွဲ့ဝင် များကို ဒေသခံများက တရားစွဲမည်





အောင်ကိုဦး
ဆားလင်းကြီး၊ မတ် ၂၆
လက်ပံတောင်းတောင် ဒေသခံများကို သေနတ်ဖြင့် ပစ်၍ အကြမ်းဖက် ဖြိုခွဲခဲ့သည် ရဲတပ်ဖွဲ့ဝင် များကို တရားစွဲဆို သွားမည် ဟု မိုးကြိုးပြင် မြောက်ရွာဒေသခံ မဇာခြည်လင်း က မဇ္ဈိမကို ပြောသည်။
စစ်ကိုင်းတိုင်း ဒေသကြီး၊ ဆားလင်းကြီးမြို့နယ်၊ လက်ပံတောင်းတောင် ဒေသ၊ မိုးကြိုးပြင်၊ အလယ်ရွာ၊ တောင်ရွာ၊ မြောက်ရွာတို့ရှိ ဒေသခံများသည် ကျောက် ထုတ်လုပ်ရေး ကုမ္ပဏီများမှ ဝမ်ပေါင် ကုမ္ပဏီသို့ သယ်ယူ ပို့ဆောင် နေသည့် ကျောက်သယ် ကားများသည် ပုသိမ်၊ မုံရွာ လမ်းပေါ်တွင် နေ့စဉ် စည်းကမ်းမဲ့ မောင်းနှင်နေမှု များကြောင့် လမ်းပျက်ခြင်းနှင့် ဒေသခံများ ထိခိုက်မိသည် ဟု ဆိုကာ ဖြတ်သန်း သွားလာနေသည့် ကျောက်သယ် ယာဉ်များကို တားဆီးခဲ့ကြသည်။
ထိုသို့ ဒေသခံများက တားဆီး နေခြင်းကြောင့် မတ်လ ၂၂ ရက်နေ့က ဆားလင်းကြီးမြို့နယ် အထွေထွေ အုပ်ချုပ်ရေး ဦးစီးဌာနက တားဆီးမှုများ မပြုလုပ်ရန်နှင့် လူစု လူဝေးများ မပြုလုပ်ရန်၊ ၅ ဦးနှင့် ၅ ဦးအထက် စုဝေး၊ စီတန်း၊ လှည့်လည်မှုများ မပြုလုပ်ရန် ထုတ်ပြန်ခဲ့သည်။
ထိုသို့ ထုတ်ပြန်ပြီး မတ်လ ၂၄ ရက်၊ ညနေပိုင်းတွင် ရဲတပ်ဖွဲ့ဝင်များက တားဆီးနေသည့် ဒေသခံများကို သေနတ်ဖြင့် ပစ်၍ လူစုခွဲခဲ့ရာ ဒေသခံ ၁၀ ဦးကျော် ဒဏ်ရာ ရရှိခဲ့ကြသည်။
ထို့ကြောင့် အကြမ်းဖက် သေနတ်ဖြင့် ပစ်ခတ် ဖြိုခွဲခဲ့သည့် ရဲတပ်ဖွဲ့ဝင် များကို တရား စွဲဆိုသွားရန် ဒေသခံများက စီစဉ် ဆောင်ရွက်လျက် ရှိခြင်း ဖြစ်သည်။
"ဆေးစာရအောင် လုပ်နေပါတယ်။ ဆေးစာရတာနဲ့ ရဲတပ်ဖွဲ့ကို တရားစွဲ သွားပါမယ်" ဟု မဇာခြည်လင်း က ပြောသည်။
ရဲတပ်ဖွဲ့အား လက်ပံတောင်း ဒေသခံများက တရားစွဲရန် ဆောင်ရွက်နေခြင်းနှင့် ပတ်သက်၍ ဆားလင်းကြီးမြို့နယ်၊ စစ်ကိုင်းတိုင်း ဒေသကြီး လွှတ်တော် ကိုယ်စားလှယ် ဒေါက်တာ သိန်းနိုင်က ကူညီ ပေးသွားမည် ဖြစ်သည်။
"တရားစွဲမယ် ဆိုတော့ ကူညီ ပေးသွားမယ်" ဟု ဒေါက်တာ သိန်းနိုင်က ပြောသည်။
ရဲတပ်ဖွဲ့ဘက် မှလည်း ပစ်ခတ် လူစုခွဲခဲ့ခြင်း ဖြစ်စဉ်နှင့် ပတ်သက်၍ မတ်လ ၂၇ ရက်၊ နံနက် ၁၀ နာရီတွင် ဆားလင်းကြီးမြို့နယ် အထွေထွေ အုပ်ချုပ်ရေးမှူး ရုံးတွင် သတင်းစာ ရှင်းလင်းပွဲ ပြုလုပ်မည် ဖြစ်ကြောင်း သိရသည်။
Loading...